أرشيف الأوسمة: Syria

شذوذ سوري أم إعلامي؟!

شذوذ سوري أم إعلامي؟!

شذوذ سوري أم إعلامي!!
الصحافة القومية أصبح مستواها شيء جميل جميل والنموذج ده من الأستاذة رحاب فوزي مخليها متألقة متألقة في أخبار الحوادث
حاجة جميلة جميلة جميلة وعمل إعلامي راقي بكل المقاييس… لغة ودقة وموضوعية… شيء يفرح بجد
يعني خد بالك من العربي كده وهي بتقولك في أول سطر:
في هذه المنطقة…يقبع مطعما شهيرا …
أو مثلا لما تتكلم بحب عن اللاجئات السوريات اللائي “تمردن على العمل كخادمات” … وده طبعا ما يصحش… عملوا إيه الوحشين اللي مش عايزين يتجوزوا أو يشتغلوا خادمات بتسعين دولار (لأي من الوظيفتين)؟ بتقولك الأستاذة رحاب: “انطلقن يبحثن عن مورد رزق اكثر سرعة ويحقق المال الوفير فى رأيهن”.. اللي هو إيه؟ … الشذوذ الجنسي طبعا!!
… بص… أنا هاسيبك تقرا وتستمتع لكن عايز أقولك إن البلاد المحترمة لو اتنشر فيها موضوع زي ده ممكن يبقى فيها غرامة ومحكمة ورئيس تحرير يترفد حتى لو ما كانش شاف الموضوع…
طبعا لإن الدول التانية ما بتقدرش الموهبة والقدرات الخاصة للأستاذة رحاب اللي “اتسللت” داخل المطعم والتقت مع “سميرة” التي “لا تستطيع أن تصرح عن جنسيتها السورية لأنها تعلم بطمع الرجال المصريين والسعوديين , واستغلالهم لحالة أى فتاة ضعيفة لا تجد قوت يومها” وأيضا ب”منيرة الغامضة” التي “هكذا يطلقون عليها لملامحها الغريبة التى تقترب من ملامح الشياطين , وتبرجها الزائد لحد الرعب”. ومنيرة لو مش عارف “هى الأكثر طلبا… خاصة فى الحفلات الجماعية لأنها الأكثر إبداعا فى وسائل التعذيب وممارسة الشذوذ، وتوصف بالحرباء” لاستطاعتها ارضاء اكثر من شخص فى نفس الوقت مع ضحكات غريبة تطلقها”.. شفت ازاي؟!
وعشان تعرف ان المسألة أوسع بكتير من المطعم اللي دخلته رحاب لازم نقولك إن “الشام تغص بمئات الشواذ جنسيا” المنتشرين “على مرأى من المدينة التى كانت قبل عشرات السنين تتفاخر بفحولة أبنائها وتقيس الرجولة بطول الشاربين.”
خبرة خبرة يعني… الموضوع يستاهل القراءة ومن كتبته تحتاج… الكثير.. الله يرحمك يا مصطفى أمين
http://hawadeth.akhbarelyom.com/News/newdetails/133260/4/%D9%85%D8%B9%D8%A7%D9%8A%D9%86%D9%87.html#.UaP2KOv3jPu